Biblioteca della Valaddo

Seiz an fai, ei dougù m' plantâ din 'I dezèr dou Sahara. La s'érë casà ëccaron din 'I moteur ëd moun avioun. E, dou moumon quë bou mi la Ih'érë pâ ni mecanisien ni viageur, a m'aprëchtavou a fâ, da souré, inë arparasioun difisillë. L'érë për mi inë quëchtioun 'd vittë ou 'd mor. Avioû d'aiguë da bioourë mac për vié joù. Ël promî neuî a m' sioù andormì coujà itchì bâ ëd su la sabblë, a cazi doû mil kilometre dou proumî paî nté qu' la l'érë 'd jon. Erou ancâ mai souré dë s' qu'ou sarî in ommë qu'aouguëssë përdù soun batò ou bé mei dla mer, e qu'ou s'foussë grapilhà a-n-inë planchë. Alour ou pouié ou-z-imaginâ cm'a sioû ità chtounà can, a la pouentë dou joû, inë drollë 'd vouà d'eifan m'à arvilhà an dizon: - S'ou plé… fazëmmë 'I disen d'in anhé!. Ei fai in saou cmë së 'I tournoueirë m’aouguëssë atrapà. A m' sioû frëtà louz iooû. Ei bion beicà e a l'ei vî in eifan proppi chtrodinérë qu'ou m' beicavë d'inë maniérë suriouzë. Ei beicà qu' l'aparisioun bou louz iooû gran-t-eibere e touttë chtounà. La vontë pâ eisubliâ qu' erou a cazi doû mil kilometre dou proumî paî nté qu’ la Ih'érë 'd jon. Finalmonta, can-t-ei pougù parlâ, a lh' ei dmandà: - Ma… qué qu'ou fazé isi?. E ié ou m'à arpëtà tou dousmon, cmë la foussë inë chozë suriouzë: - S’ou plé... fazëmmë 'I disen d'in anhé. E l'i parî qu'ei fai la couneisansë dou pchi prinsë.